تاني يوم الأخبار ذاعت سرقة 2.3 مليون من مكنة الأيه تي أم، (آليكس) كان مبسوط بالعملية اللي عملوها بس (كيرا) كانت قلقانة وبتعترفله إنها عايزة تعتزل بس (آليكس) بيرفض، وفجأة بيجيله إشعار من (زد)، (زد) عرف عن العملية اللي عملها (آليكس) وعيّنه المساعد بتاعه، (آليكس) وصل لـ(زد) وكان عايز يتكلم معاه شخصيًا، (زد) بيتفق معاه يقابله في مبنى عليه حراسة، وبيوافق إنه يوفر لـ(آليكس) موارد لخطته الكبيرة الجاية، بس بيحذره إنهم لو فشلوا في الخطة هيقتلهم، بعد ما قابل (زد)، (آليكس) استقبل فويس ميل من (ساي) بيقول له فيها إنه ندم على اللي عمله وعايز يعتذرله وإنه رجع على الهوتيل بتاعهم في هونج كونج ومستنيه عشان يتكلم معاه، بس العصابة بتوصل لـ(ساي) الأول وبتقتله، (آليكس) بيستنتج إن صاحب الإنفينيتي كارد اكتشف العمليات اللي تمت بكارده المسروق وكان عايز يقتله هو و(كيرا) لولا إنه لقى (ساي) في وشه، (آليكس) و(كيرا) لما عرفوا كده سابوا هونج كونج، الأخبار كانت بتذيع عن الهجمة الإلكترونية بتاعة الديب ويب واللي أثرت على سوق البورصة، ولحسن الحظ، السوق ابتدا يستقر بعد ما رئيس نظام الاحتياطي الفيدرالي حط فلوس أكتر في السوق.

لو عجبكم الفيلم ادعمونا بلايك وواشتركو في القناه علشان تشوفوا كل تلخيصاتنا الجايه ❤❤