ملخص فيلم : Under Wraps كامل
3 اطفال اشقياء صحوا مومياء فرعونية بقلادة سحرية عشان تساعدهم يقضو علي موميا تانية شريرة هتدمر العالم
في البداية بنفكركو باللي حصل في الجزء الاول، وان (مارشال) في عيد الهالوين اللى فات لقي مومياء في بيت جاره، ومش بس كده دي طلعت موميا معاها قلادة سحرية اول ما بتتعرض لضوء القمر بتخلي المومياء ترجع تاني للحياة.
واللى شاركه في المغامرة دي اصدقاؤه الااتنين (ايمي) و(غيلبرت) اللي كان بيخاف من خياله بس بمساعدة (مارشال) قدر يتغلب علي خوفه. والتلاتة كانو فاكرين ان المومياء دي اللي بالمناسبة سموها (هارولد)، انه هيكون شرير ولعنة الفراعنة بقي وحكاية.
بس بيتفاجئو انه كان مومياء طيبة جدا واتصاحبو عليه، وكمان ساعدوه قبل ما يتحول لتراب لان كان قدامه 3 ايام بس، دي المدة اللى القلادة بتخليه يرجع يعيشها. و(فازي) صاحبتهم هي اللي اكتشفت النقطة دي وقدرو ينقذوه.
وعشان تعرفو اللي حصل بالتفصيل هنسيبلكو اللينك في صندوق الوصف عشان تشوفوه وطبعا تعملو اللايك والشير يا احلي متابعين.
الظاهر بقي ان (مارشال) مصمم يعيش مغامرة مرعبة جديدة في كل عيد هالوين، المرة بدأ بأنه هو واصحابه كانو ماشيين في أرض ذرة وفجأة بيهاجمهم من كل اتجاه مجموعة من الوحوش، وبعد ما طاردوهم ورعبوهم، بنتفاجئ انهم ناس متنكرين في شكل وحوش، وان المكان ده عبارة عن متاهة الذرة المسكونة، من ضمن احتفالاتهم بالهالوين، و(غيلبرت) اللى كان مصمم انهم يدخلوها ويروحو كل الاماكن اللى فيها حاجة تخوف،