حكايتنا انهاردة عن مجموعة من البنات كانو عايشين ايام العصر الفيكتوري من حوالي 140 سنة، فجأة حصلت حادثة غريبة خلتهم كلهم يكتسبو قوي خارقة. واللى كانت غريبة علي المجتمع في الوقت اللي مكانوش بيشوفو ان من حق اي بنت انها تشتغل او تتعلم او تخترع حاجة ويعترفو بيها، او حتي تقول رأيها.
فكانو شايفين ان اللى حصل ده مرض او مس شيطاني بيصيب البنات بس، والمسيطرين علي البلد في الوقت ده كانو بيحاولو بكل الطرق انهم يعرفو ايه سبب اللى حصل.
تعالو نشوف مع بعض ونفهم من البداية... بس قولولنا في التعليقات تخمينكم. القوي الخارقة اللى ظهرت فجأة دي جت منين؟ وهل ممكن تكون قوي فضائية؟ مع ان وقتها مكنش فيه اي افكار عن كائنات من عوالم تانية.
بتبدأ احداث حكايتنا في سنة 1896، وكانت الحياة ماشية بشكل طبيعي جدا في لندن، وكانت (أماليا) بترمي نفسها في النهر، وحاجة غريبة بتحصل في المدينة بتلفت نظر كل الناس اللى كانو في الشارع لثواني،
وفجأة المشهد بيتغير بعدها ب3 سنين، وكانت (أماليا) لسه عايشة، وبتروح هي وصديقتها (باينانس) علي بيت بنت اسمها (ميرتل) من اللي بيقولو عليهم ممسوسين، عشان يساعدوها، لان (أماليا) كانت مخصصة بيتها للبنات المميزين دول وبتساعدهم وتوفرلهم حياة مستقرة،
بس المفاجأة انهم لما بيطلعو اوضتها بيلاقوها متكتفة عشان اهلها خايفين منها، وكانت بتتكلم بلغة مش مفهومة. وعلي ما (اماليا) بتخرج تتكلم مع اهل البنت وتتفق معاهم انها هتاخدها عندها الملجأ، بيسمعو صوت في اوضة (ميرتل) و(اماليا) بتشوف لمحات من المستقبل واللى هيحصل كمان ثواني، فبتطلع بسرعة وتلاقي ان فيه اتنين هجمو علي الاوضة وبيحاولو يخطفو البنت.


قعدة فيلم بلس = https://www.youtube.com/@a3detFelmPlus




ملخص فيلم : The Nevers







كوكلي
المقنع
فيلم في الخمسينه
ملخص فيلم
ملخصات افلام
محمد طاهر
فيلم جديد
قناة فيلم جديد
فيلم سحر
هاري بوتر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح