( لا حول ولا قوة الا بالله )
( اللهم صلي على سيدنا النبى )
( لا اله الا انت سبحانك انى كنت من الظالمين )

بيبدأ فيلمنا مع أب وأم كانو في المستشفي بيتابعو صحة البيبي وحملها، والدكتور بيأكدلهم ان البيبي ولد، وعليها بيروحو يشترو كل حاجة للطفل اللي هيجي علي انه ولد، لبس ولعب ولون الاوضة حتي الاسم اختارو اسم (ماكس)،
بس المفاجأة انها بتيجي بنت، وعشان مش هينفعش يرمو الحاجة اللى اشتروها دي كلها ولا ينفع يرجعوها، بيقررو يسموها (ماكس) بردو.
وبتكبر (ماكس) وبتروح المدرسة، بس كل ما المدرسة تيجي تنادي عليها، كان اي ولد تاني اسمه (ماكس) هو اللى بيرد وبيفتكر الكلام له، فالمدرسة كانت عشان تفرق بينهم تقول (ماكس) ملكة الجمال.
وطول الوقت (ماكس) كانت بتقرأ قصص وكتب وروايات وعايشة حرفيا بين الكتب من كتر حبها فيها، حتي في وقت الفسحة، مكنتش بتلعب زي باقي الاطفال، دي كانت بتجمع كام واحدة من اصحابها وتقرألهم قصة جديدة.
وفي يوم باباها بيروح ياخدها من المدرسة بدري عشان رايحين مقابلة في مدرسة أعلي للأذكياء، واول ما بيدخلو المدرسة بيتصدمو من الزحمة وشقاوة البنات وانهم لابسين زي موحد غير المدرسة العامة اللى كانت (ماكس) بتروحها. وفي المقابلة المديرة بتسأل اهل (ماكس) عن مميزاتها وايه اللى مخليهم شايفين انها مميزة وذكية علي غير العادة، فمامت (ماكس) بترد عليها وتقولها ان (ماكس) مميزة بطريقتها، ودي حاجة محدش يعرف يوصفها، يعني مثلا مينفعش نسأل هو اللون الازرق ازرق ليه، وهكذا....
وفعلا (ماكس) بتتقبل في المدرسة، ولما بيروحو (ماكس) بتسألهم ليه اصلا يدخلوها مدرسة تانية وهي كانت حابة المدرسة اللى كانت فيها، وساعتها اهلها بيقولولها ان عشان هي ذكية فلازم تدخل مدرسة مستواها اعلي عشان تنمي قدراتها، وانها لو محبتهاش او معرفتش ترتاح فيها ممكن ترجع مدرستها الاولانية.
فبتقتنع (ماكس)، بس المشكلة بقي مين اللى هيوصلها المدرسة الجديدة اللى هي اصلا بعيد جدا عن بيتها، فباباها بيقولها ان هياخدها معاه يومين تلاتة في الاسبوع يوصلها في سكته لان دي الايام اللى مواعيد شغله هتسمح انه يوصلها، وكانت هتقوم خناقة بين مامتها وباباها عشان مين اللى هيوصلها باقي الاسبوع. فـ_ماكس) بتريحهم وتقولهم انها هتبقي تروح لوحدها ومش لازم حد يوصلها تاني هي تعرف الطريق في الاول بس وخلاص وده عشان توصل اختها (جيسي) للمدرسة ومتسيبهاش تروح لوحدها.





ملخص فيلم = La Championne






























كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح
شطرنج
بطلة العالم