قبل أربعين سنة اصطدم مذنب بكوكب الأرض و غرقت معظم قارات العالم و اتحولت شبه الجزيرة الكورية لصحرا و اللي نجا من سكان الأرض كلها 1 في المية بس من اجمالي السكان
و احتاج الناجين لاختراعات جديدة و نظام جديد لان الهوا بقى ملوث فكان لازم يخترعوا النواة الهوائية العملاقة اللي بتحول الاوكسيانيوم لاكسجين
و بالتالي السكان اتقسموا لطبقات من العامة و الخاصة و الأساسيين علي حسب الموارد اللي معاهم و فصلوا بين المستويات دي برموز و سموا اقل مستوى باللاجئين و بعد شوية تعب اللاجئين من الفقر و التمييز اللي عايشين فيه فبقوا يسرقوا و ينهبوا و بقى اسمهم الصيادين
و المسؤل عن توصيل الاكسجين و باقي الاحتياجات للكل كان اسمهم عمال التوصيل و دول كانوا طول الوقت بيتعرضوا للخطر في الهوا الملوث في الصحرا ده غير الصيادين اللي بيقابلوهم طول الطريق لكنهم كانوا بيناضلوا علشان يوصلوا في المكان و الزمان المحدد و علشان كدة مش أي حد بيبقي عامل توصيل لكن لازم يكون شخص قوي جدا و شجاع وده السبب اللي مخلي الوظيفة دي حلم كل الشباب و خصوصا شباب اللاجئين اللي عايزين يبقى ليهم مكانة كبيرة في المجتمع
و بنشوف مع بعض اللي بيحصل في إقليم (غانغنام) لللاجئين
و بيظهر (ساو وول يون) و هو بيتحدى مجموعة كبيرة من الصيادين و بيقدر يضربهم كلهم لوحده و من كتر شجاعته قلع القناع بتاعه قبل ما يقاتلهم و أول ما انتصر نزل صحابه اللي كانوا بيراقبوه من العربية و هنوه و فضلوا يهتفوا باسمه و قالوا عليه انه عامل التوصيل المستقبلي و نزلوا لموا كل الأقنعة بتاعة الصيادين اللي ضربهم







اسم المسلسل=black knight 2023