شاب اكتشف ان عندة قوة خارقة ووريث مملكة سحريه وبيلاقي 3 احجار بتندمج مع سيف بيدولة قوة اسطوريه

في مدينة الجنيات في عالم تاني، كانت الاميرة (امبرلي) طول الليل بتتدرب في الغابة بأنها بتجري وتعبر الغابة وهي مغمية عينيها ومكتفة ايديها وزرا ضهرها، وكان عمها (اندر) معاها بيساعدها، واول ما بتقرب من حفرة في وسط الغابة بيزؤها يوقعها في قلب الحفرة.
وساعتها بيقولها ان عبور الغابة بالشكل ده خطير جدااا خصوصا في المسابقة. وبيقترح عليها انها تستسلم ويروحو القصر. بس هي بتقوله انها معملتش كل ده عشان تستسلم الوقتي، وبتقوله ان اللي بيتم اختيارهم في المسابقة اول سبعة بس، وبتقوم تتدرب تاني.
وتاني يوم الصبح كانت المسابقة هتبدأ وعدد كبير من محاربين الاقزام بيشاركو، واول ما (امبرلي) بتروح وبيلاقوها لابسة زيهم وهتشارك في المسابقة بيتفاجئو جدااا.
وبنعرف ان اللي (امبرلي) بتعمله ده ضد قوانين ومبادئ اسلافهم، وان مينفعش انها تكون موجودة هنا اصلا مش تتسابق كمان.
وساعتها (جايس) صديق ليها بيستغرب انها موجودة وبيفتكرها جاية تسلم عليه وتتمناله الفوز، بس بيتفاجئ انها هتشارك، وبيحاول يقنعها انها تتراجع لان المسابقة خطر جدااا عليها والاقزام اللي بيتسابقو دول علي استعداد انهم يعملو اي حاجة في سبيل انهم يفوزو.
بس (امبرلي) مش بتقتنع بكلامه وبتقوله انها هنا للفوز، وبتخلي صاحبتها تقيدها وتغمي عينيها.
والمتسابقين كلهم بيتصفو، واول ما بيسمعو البوق، الكل بيجرو ناحية الغابة، بس من اولها واحد بيضرب (امبر) ويوقعها علي الارض والباقيين كلهم بيجرو جو الغابة بأقصي سرعتهم