بنت موهوبة فى كرة القدم بتروح مدرسة جديدة والكل بيتنمر عليها عشان يخلوها تبطل تلعب لكن بتبهر الجميع لما بتنزل الملعب

بيدأ الفيلم فى مدرسة ثانوية مع فريق لكرة القدم للبنات ,, و بنشوف المدربة و هى بتتكلم مع الفريق فى اوضة اللبس و بتحمسهم و بتقولهم انهم ابطال الدورى السنة اللى فاتت ولازم يحافظوا على اللقب بتاعهم ,, وبتفضل تتكلم معاهم و هما بيكونوا متحمسين جداً انهم ينزلوا الماتش ويكسبوا ,, و بعد ما بيخلصوا و بيخرجوا بتفتكر بنت منهم اسمها " جينى " انها نسيت حاجة فى اوضة اللبس و بتقرر انها ترجع الاوضة تانى تجيبها ,, و فى الوقت ده بيظهر ليها شخص غامض ومٌقنع و بيفضل يضربها فى رجلها لحد ما بتقع على الأرض و بتتصاب أصابة قوية جداً و مش بتقدر تشارك فى المباراة ,, و بعد فترة بنشوف بنت اسمها " كاميرون " و مامتها روندا ,, و هما الاتنين بيكونوا لسه ناقلين لبيت جديد ,, و بتكون كاميرون متضايقة من مامتها لانها كانت مشتركة فى فريق كرة القدم بتاع المدرسة بتاعتها وكانت هى كابتن الفريق ,, و طبعا لما نقلوا للمكان الجديد هتضطر انها تدخل مدرسة جديدة و بالتالى تدور على فريق كرة القدم فيه اذا كان هيقبلها ولا لا ,, و مامتها بتفضل تقولها ان دى حاجة حصلت غصب عنهم ولازم يتقبلوا فكرة التغيير ,, و بتقولها انها واثقة فيها لانها موهوبة و هتقدر تدخل اى فريق و تثبت نفسها فيه ,, و فعلا بعد شوية