بيبدأ فيلمنا في اليابان سنة 1617، في بيت (هانزو سانشي) اعظم محاربين الساموراي في التاريخ، كان عايش في الغابة في بيت معزول عن الناس هو ومراته وابنه وبنته الرضيعة، وبعد ما بيرجع (هانزو) مع ابنه.
في الوقت اللى دخل ابنه يطمن علي اخته الصغيرة لانها كانت بتعيط جامد. (هانزو) بيروح يملي مية من البير. شوية ومامته بتدخل تشوف فيه ايه لان البنت مش بتبطل عياط.
في اللحظة دي بيحسو ببرودة شديدة في الجو وفجأة بيسمعو صوت حد بيتقاتل بره، والشباك بيغرق دم، فبسرعة مامته بتاخد البنت الصغيرة وتخبيها في فتحة سرية في ارضية البيت وتقفل عليها وتحاول تهرب هي وابنها.
في الوقت اللى بيدخل محارب اسمه (بيهان) او (صب زيرو) عنده قوة خارقة وبيتحكم في التلج، ويسألهم عن (هانزو) راح فين، ولما مش بيقولوله حاجة، بيقتلهم الاتننين ويجمدهم قدام البيت.
شوية و(هانزو) بيسمع صوت مراته وهي بتصرخ وبيجري علي البيت بسرعة، وساعتها بيتفاجئ بكل الحراس مقتولين، ومراته وابنه متجمدين ومقتولين قدام البيت. وبيهاجمه عدد كبير من رجالة (صب زيرو)، بس برغم عددهم الكبير مكانوش قادرين عليه وبيخلص عليهم كلهم في اقل من دقيقة بالسيف بتاعه. ولما بيفقد السيف بياخد الكوناي اللى كانت مراته بتستخدمها في الزراعة ويربط فيها حبل ويهاجم بيها الجنود دول لغاية ما بينتصر عليهم.

شخص بيتصاب بلعنه ورسمه علي جسمة بتديله قوة سحريه وبيتحوله لبطل خارق وبيتحدي قوي الشر


قناة كنز افلام : https://www.youtube.com/channe....l/UCy2iBCLZLatWKlVCK














فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
مستذئب
قوة خارقه
قوة سحريه
فيلم في المريخ