ملخص فيلم : Mony

بتبدأ القصة بشاب حالم اسمه (هيون) اللي كان شغال في شركة البورصة رقم1 في جنوب كوريا، وكان من أهدافه من الشغل في الشركة دي إنه عايز يبقى غني بسرعة وعايز يخلي أهله سعداء، أهله كانوا مزارعين توت، عشان كده (هيون) كان مديرينه في الشغل مسميينه (راسبيري) يعني توت، وبيتضح إن (هيون) عنده ذكاء غير عادي وكان بيعرف يحفظ كل أكواد الأرصدة اللي في سوق تداول الأسهم لجنوب كوريا، في الشركة، جيه المدير وحفز كل اللي شغالين إنهم يحطموا سوق تداول الأسهم والبورصة ويحصلوا على أكبر أرباح ممكنة، وكانت وظيفة الموظفين هي إنهم يشتروا أو يبيعوا أسهم على حسب أوردرات العملا، وكل ما يحققوا صفقات أكتر كل ما ياخدوا أرباح أكتر، للأسف في أول يوم في الشغل، (هيون) مكانش عارف يحقق أي ربح، ومن حين لآخر، (هيون) كان بيساعد أهله في رعاية مزروعاتهم، وبعدين جاتله أخبار عن أبوه المريض اللي اكتشفوا عنده ورم في الكبد لازم يتشال في أقرب وقت ممكن