بيبدأ الفيلم في واحدة من الجامعات العريقة اللى بقالها اكتر من 150 سنة، وكل طلبة الجامعة كلهم عاملين مظاهرة ضد الحكومة عشان عاوزين يهدو المبني ويعملو مكانه مشروع تاني، والعمدة بيحاول يهدي الشباب ويقولهم انهم هيبنولهم جامعة جديدة في مكان تاني، بس طبعا الشباب كانو رافضين الحكاية دي، طب وتبنو جديد ليه واحنا جامعتنا موجودة وتنقلونا لمكان بعيد، ومش بيصدقو كلام العمدة ان المبني آيل للانهيار وبيتهموه بالفساد.
وساعتها العمدة بيدي اوامره للشرطة انهم يهجمو علي المتظاهرين كلهم ويسيطرو عليهم ويعلموهم درس محترم بعد ما اهانوه، وفعلا الشرطة بتهجم علي لاالشباب وتنزل ضرب وسحل فيهم، لغاية ما واحد منهم بيقولهم ان الشرطة مش هترحمهم ولازم يروحو علي منطقة الملك (مايكل).
وفعلا كل الشباب بيجرو يستخبو في منطقة عند السوق، ولما الشرطة بتروح وراهم ويطاردوهم، رجالة المنطقة مكانوش راضيين يدخلوهم وبيحذروهم من اللي هيحصلهم، ومجموعة من العساكر مش بيسمعو الكلام وبيدخلو يدورو علي الشباب، وكان واحد منهم هيضرب ولد صغير عشان بيتريق عليهم، بس فجأة بيلاقي صاروخ من بتاع الالعاب النارية لبس في وشه وفرقع،
واللي رماه كان (مايكل) اللي الكل بيتحامي فيه، وبيطلب منهم انهم يخرجو من منطقته، بس لما بيرفضو، بيسحب جنزير عجلة ويلفه علي ايده ويطيح فيهم ضرب ويكومهم علي الارض كلهم، والباقيين بيطاردهم في السوق ومبيخليش حد منهم مااتعلمش عليه. وكل ده لوحده. وبعدها العساكر بيطلعو يجرو هربانين.
وبعدها (مايكل) بيروح يقابل العمدة ويخليه يقول للناس انه خلاص مش هيهد الجامعة والناس بيفرحو بكده جدا، وعشان يضمن التنفيذ بيهدد العمدة انه لو مطلعش قرار مكتوب بكده في خلال 10 دقايق، هيروحله البيت وقتله هو وعيلته. والعمدة مش بيقدر يقول ولا يعترض.
وتاني يوم كان (مايكل نايم في البيت، وكانت (ماري) بنت اخته بتتسحب وخارجة من وراه، بس جدتها وهي بتكلماه صحته من غير ما تقصد، وساعتها (مايكل) بيسألهم رايحين فينن وبيعرف انه الكل رايحين فرح (آنجل) والكل كانو مخبيين عليه عشان مش عاوزينه يحضر لانه كل مرة بيبوظلها االفرح وتضطر تعمله من جديد.


ملخص فيلم : Bigil 2019










كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فيلم في المريخ
اغني طفل
شاب عبري
عبقري
عبقري رياضه
فيلم جديد
قناة فيلم جديد