ولد اتربي فى ظروف صعبه لكن موهبته وحبة لكرة القدم بيخلوه يتحدي الظروف وبيصبح افضل لاعب فالعالم حقيقية

ولد اتحول من لاعب فالشارع ظروف صعبه لكن موهبتة في كرة القدم بتخليه يتحدي الظروف وببقي افضل لاعب فالعالم

بيبدأ فيلمنا مع (ماكس) واخوه الصغير اللى كان بيحكيلنا اخر مواجهة للفريق بتاعهم مع عصابة تانية من بتوع الشوارع كانو بيلعبو معاهم كورة. و(ماركوس) بيقولنا اد ايه ان اخوه (ماكس) موهوب وتسديدته ما بتخيبش. وبعد ما فازو في الماتشات اللى فاتت، هيلعبو بقي الماتش النهائي علي كاس البطولة واللى هيكون بكرة في قلعة راجناروك، واللى معروف عنها ان اللى بيدخلها مش بيخرج منها تاني.
عشان تبقو فاهمين بس (ماكس) و(ماركوس) واصحابهم عاملين زي فريق او شلة كلهم بيحبو الكورة وبيتنافسو في تحديات مختلفة طول الوقت مع اولاد تانيين من مدن مختلفة. وفريق (ماكس) كانو عاملين لنفسهم قلعة أو مقر بيمارسو فيه هواياتهم وبيخططو للتحديات اللى هيشاركو فيها.
والمقر بتاعهم ده كان عبارة عن جراج كبير بيعملو فيه اختراعات ميكانيكية وبيصممو الموتسيكلات والعجل بتاعهم،
وفي الوقت اللى كان (ماركوس) متجمع معاهم في الورشة وبيجهزو لاختراع جديد من اختراعاتهم. بيييجي (ماكس) وصاحبه ويقولو للباقيين انهم هيروحو يلعبو ماتش البطولة في قلعة ذئاب راجناروك.
بس لان المسافة طويلة عشل ما يوصلولها، والقلعة دي في الغابة اصلا، كان لازمهم مواصلة جديدو، وساعتها (ماركوس) بيفرجهم علي الموتسيكلات الجديدة اللى هيروحو بيها وكمان كان مجهزلهم اليونيفورم بتاعهم.
والتمانية بيروحو سوا علي قلعة ذئاب راجناروك.
وبعد شوية كانو وصلو عند قلعة راجناروك،واستغربو انهم مش شايفين اي حد من الفريق التاني، فـ(نيرف) بيشغل موسيقي صوتها عالي جداا عشان يعرفهم انهم وصلو وبيكملو ناحية القلعة، وفجأة بيظهر هياكل عظمية لوحوش حواليهم، كانت عصابة الذئاب هي اللى بتتحكم فيها عن بعد عشان يخوفو اي حد يقرب من المكان.
وساعتها لما عصابة الذئاب بتعرف ان دي عصابة الاولاد الجامحين، وانهم جايين يلعبو معاهم ماتش كورة، بيفتحولهم البوابة وهم بيتريقو عليهم وبيسألوهم مستعدين للي هيحصل ولا لا.




ملخص فيلم : Die Wilden Kerle 4



ولد ضعيف بيلاقي جزمة سحرية بتخليه احسن لاعب كرة في البلد وبيكسب بطولة الناشئين ويلعب في مانشستر سيتي







كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح