بعد ما بيخلص الماتش بفوز فريق (رودو) و(تاتو)، (باتو) بيروح يتكلم معاهم ويقولهم انه مكتشف مواهب رياضية واكتشف معظم لاعيبة الكورة المشاهير في المكسيك.
وبيعرض عليهم انه ياخد واحد منهم عشان تجارب اداء لواحد من الفرق ولو ظبطت معاه وعجب المدربين هيوقّع في النادي.
ساعتها (رودو) بيفرح بالكلام ده وبيتشجع وبيقترح انهم يعملو قرعة عشان يحددو مين فيهم اللى هيسافر مع (باتو)، هو كان شايف ان دي فرصته هو لان (تاتو) مش بيفكر غير في الغنا وعاوز يسافر امريكا عشان كده.
المهم انهم بيلعبو ضربة جزاء وبيتفقو ان اللى هيفوز فيها هو اللى هيسافر مع (باتو).
وساعتها (رودو) بيسألا (تاتو) هيشوط الناحية نهي بالظبط و(تاتو) بيقوله عاليمين. وبيلعبها ويجيب جون في (رودو) وبيفوز هو ويتفق مع (باتو) انه هيقابله بكرة الصبح عشان يسافرو.
وبعد ما (باتو) مشي، (رودو) بيتخانق معاه ويقوله انه ضحك عليه لانه قال انه هيشوط علي اليمين، فـ(تاتو) قاله مانا شوطت عاليمين فعلا علي يميني انا مش يمينك انت، فـ(رودو) بيتغاظ منه وكان هيضربه ويسيبه ويمشي وهو هيتجنن لان زي ما قولنا كان شايف ان دي فرصته هو، وبيقول لـ(تاتو) انه اناني لانه كان مقرر انه ىيسافر امريكا ايه اللى خلاه بقي يغير رأيه وياخد فرصة هو مش عاوزها اصلا ومكنش بيتمناها.
وتاني يوم الصبح بدري، كان (تاتو) جهز نفسه واخد شنطته ومشي، واستني في القرية لغاية ما (باتو) عدي عليه وسافر معاه لمدينة (نيوميكسيكو) ودي كانت اول مرة يزورها في حياته.
و(باتو) بيوديه الاوضة اللى هيسكن فيهم اليومين دول لغاية ما يخلص تجارب الاداء ويتعاقد مع فريق. وبيظبطله كل حاجة، ويديله تليفونه عشان يبقي يتواصل معاه ويقوله يقابله امتي.
وتاني يوم، (تاتو) بيروح تجارب االاداء، وللاسف المدرب مكنش معجب بيه ابدا لانه مكنش بيلعب كويس، وبيقول لـ(باتو) انت جايبه ليه ومنين ده؟ \
وساعتها (باتو) بينادي علي (تاتو) ويقوله انه لو لعب كويبس وأثبت نفسه وعجب المدرب وركز في اللعبة هيساعده في انه يبقي مغني ويكلم له كام منتج من اللى يعرفهم يعملوله البوم كمان.


اسم الفيلم = Rudo Y Cursi




ولدين بيتحولوا من مزارعين فقرا وحياتهم صعبه لافضل لاعبين في العالم بعد ما كانوا بيلعبوا في الشارع

قتاة التليجرام : https://t.me/a3edatfilm

كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح