#قصة_حقيقية
قصتنا انهاردة عن قصة حقيقية لحارس مرمي الماني، كان الكل بيهاجمه عشان جنسيته لان وقتها كانو لسه خارجين من الحرب وكل الناس في انجلترا كانو بيهاجمو الالمان ومش حابين وجودهم وسطهم. بس بطلنا قدر انه يغيّر وجهة نظر الكل وتعاملهم معاه واجبرهم علي احترامه وحبه. تعالو نشوف قدر يعمل ده كله ازاي في الفترة الصعبة دي.
في اوائل سنة 1945 في كليف المانيا، كان فيه كتيبة من الجنود في مهمة عسكرية وكانو بيتحركو بهدوء في الغابة بس فجأة واحد منهم بيدوس علي لغم في الارض بينفجر فيهم، والجنود الانجليز كانو عاملينلهم فخ وبيضربو عليهم نار ساعتها لغاية ما بيقتلو معظمهم، و(بيرت) بيوقع علي الارض مش بيعرف يتحرك لما صاحبه بيتضرب بالنار ويوقع فوقه وكان فيه تفجيرات حواليه من كل مكان لغاية ما بيغمي عليه من شدة الصوت.
والمجموعة اللى بتتبقي من الكتيبة الالمانية، الانجليز بيقبضو عليهم وياخدوهم لمعسكر الاسري في انكلترا. وقائد المعسكر بيقولهم علي التعليمات وان كلهم هيشتغلو طول الفترة دي عشان يعوضو البلد جزء من الخساير اللى اللي اتسببو لهم فيها.
وكان من ضمن الجنود الالمان دول (بيرت) بطل قصتنا، بعد ما بيعرفوه هينام فين، واحد من الظباط الانجليز بيروح يتكلم معاه ويقوله انه محظوظ، ف(بيرت) بيضحك ضحكة سخرية، اللى هو فين الحظ في اللي انا فيه ده وانا مسجون، فالظابط بيهدده انه لو غلط غلطة صغيرة او اتعدي حدوده حظه ده هينتهي وهيقتلوه.


جندي الماني بعد ما كان اسير حرب بيتحول لاعظم حارس مرمي في التاريخ وبيكسب محبة العالم كله