(ريجي) مشي من طريق مختصر من ساحة الخردة عشان يوصل اسرع لاخته، بس بيتفاجئ بواحد كان بيدور وسط الخردة دي كلها علي حاجات ينفع يصلحها ويبيعها تاني، وبيلاقي تليفزيون لا محمصة توست لا استريو عربية، كلها حاجات فيها اعطال بسيطة وممكن يكسب من وراها كتير لما يصلحها.
والراجل كان هيخبط (ريجي) بالحاجة وهو بيرميها علي الارض وهو مش واخد باله، فـ(ريجي) بيزعقله وكان هيتخانق معاه، بس من هنا لهنا الراجل بيفهمه الحوار وهو بيعمل ايه وبيطلب منه انه يساعده ويشيل معاه الحاجات دي يوصلها المحل ويبقي ياخد اي حاجة تعجبه.
وفعلا (ريجي) بيروح معاه يوصله بالحاجة، وفي المحل بيستغرب من الحاجات اللى الراجل ده مخترعها، وفي وسط ده كله بيلاقي سنيكرز احمر قدييم بس حالته حلوة جدا، و(ريجي) بيتفاجئ ان الاسنيكرز ده عمره فوق الخمسين سنة وكان ملك لواحد من اساطير كرة السلة في الخمسينيات كان لابسه طووول الوقت اللى بيلعب وبيتدرب فيه، لدرجة ان اتقال ان موهبة اللاعب ده اندمجت في الاسنيكرز وبقي اي حد يلبسه يبقي اسطورة في اللعبة، وده حصل فعلا مع اكتر من واحد.
وساعتها (ريجي) بيستغرب ازاي يكون ده فعلا والاسنيكرز مرمي هنا في وسط الخردة ايه اللي يخلي حد يرميه تاني بعد ما يوصل لهدفه.
المهم انه بياخد الاسنيكرز الاحمر وبيقرر يجربه وهو وحظه، وبيروح علي ملعب فاضي، واول ما بيلبس الاسنيكرز ويجرب يسدد كرة بيتفاجئ انه اول مرة في حياته يسدد الكرة في الشبكة من المسافة دي كلها ومكنش مصدق نفسه وبيفضل يلعب ويجرب مرة واتنين وتلاتة وفي كل مرة كان بيسجل نقط، وبيشوفه ولد صغير وهو بيلعب وبينبهر بمهارته في اللعب ويشجعه، و(ريجي) كان مبسوط جدا.
في الوقت ده كان مكتشف المواهب (جو دايموندز) في شركة الاحذية اللى بيسوّقلها، وبيتخانق مع المدير لانه مكنش راضي يديله حاجة مجاني تاني يساعد بيها المواهب الصغيرة، ولانه معدش عاوز يدعم (روسكو) تاني لانه معاه بقاله سنيتن ومفيش اي جديد فمعدش هيدفع فلوس تاني خلاص. و(جو) بيمشي وهو متعصب وبيوعده انه هيوصل (روسكو) لدوري المحترفين وهيكون مدير اعماله ويبقي يشوف النجاح اللي هيوصله بقي.


ملخص فيلم = The Red Sneakers 2002
ولد بيلاقي حذاء قديم بيديله مهاره سحريه الكل بيندهش منها ومحدش بيقدر يوقفه The Red Sneakers
ولد قالو عليه فاشل لقي حذاء قديم اول ما لبسه جاتله مهاره عجيبه بتبهر الكل وبيبقي كريستيانو رونالدو
ولد بيلاقي حذاء قديم بيديله مهاره خارقة وسحريه الكل بيندهش منها ومحدش بيقدر يوقفه




























كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح