قصتنا انهاردة عن شاب فاشل عايش حياته علي حس ابوه حتي الوظيفة واخدها بالواسطة، وكل حاجة كانت ماشية عادي لغاية ما بيتفاجئ ان المديرة جابت مدرب جديد عشان يحل محله، ومش بس كده ده المدرب ده بيخطف منه حبيبته، وبيضطر وقتها انه يدرب اضعف عيال في المدرسة عشان يفوز في المسابقة الرياضية عشان يثبت نفسه، ياتري هيعرف ينجح في تدريبهم ويفوز ولا ايه اللى هيحصل، تعالو نشوف مع بعض
بيبدأ فيلمنا مع (مونتو) شاب بيشتغل مدرس تربية بدنية في مدرسة القرية بتاعته، بس مكنش ملتزم ولا شاغل باله بالمدرسة ولا بتدريب الطلبة ولا اي حاجة، وبيروح المدرسة بس تقضية واجب عشان يقبض مرتب اخر الشهر.
وكل يوم امه تصحيه بالعافية عشان يروح المدرسة، وهو عشان يهرب منها ويفضل نايم بيقولها ان مفيش حد في المدرسة بيهتم بالرياضة والمدرسين بياخدو منه الحصص كده كده عشان يعوضو تأخيرهم في المناهج، وهو بيسيبلهم الحصص بتاعته عشان بيخاف علي مستقبل العيال التعليمي لانه مكنش شايف ان حد منهم هيفلح في الرياضة وانها ممكن تغير حياة حد منهم.
ولما اخيرا بيقرر يقوم ويروح شغله كان لابس برمودا ومش مهتم انه لازم يببقي قدوة للطلبة ويهتم بلبسه واسلوبه.
وساعتها بييجي جارهم الاستاذ (شوكلا) اللى كان المدرس بتاعه زمان ودلوقتي زمايل في المدرسة، ووالدة (مونتو) بتتخانق معاه وبتتهمه انه هو اللى مبوظ ابنها ومخليه مش راضي يتجوز لغاية دلوقتي،
ولما (مونتو) بينزل عشان يمشي معاه ويروحو المدرسة، (شوكلا) بيزعقله انه لابس برمودا، بس(مونتو) بيقوله انه بيوفر اصله شاري اتنين بتمن بنطلون يعني صفقة بالنسبة له مش بتتكرر كتير.
وبعدها بيروحو المدرسة، واول ما بيوصل بيدخل مكتب المديرة من غير ما يخبط ولا، ماهو متعود علي كده اصل فيه قرابة بينهم وهي اللي معيناه في المدرسة، وبتخليه يخرج يخبط علي الباب لغاية ما تأذنله يدخل، ولما بيعمل كده بيطلب منها دفتر الحضور عشان يمضي، بس هي بتقوله انه جاي متأخر وشطبت عليه ولانه غاب واتأخر ايام كتير هيتخصم من مرتبه،
وساعتها (مونتو) بيتحايل عليها ويقولها انه مكنش بييجي الايام اللي فاتت عشان الفرح اللى بيجهزوله وهو بيساعد فيه، فالمديرة بتقوله يكمل جميله للاخر بقي ويروح هو يجيب الكراسي الجديدة للفرح عشان المديرة ميبقاش شكلها وحش لو الضيوف لقو كراسي قديمة مقطعة، اصل الفرح بتاع قريب المديرة.




ملخص فيلم = Chhalaang 2020

ولد قالو عليه فاشل لقي حذاء قديم اول ما لبسه جاتله مهاره عجيبه بتبهر الكل وبيبقي كريستيانو رونالدو





























كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح