( اللهم صلي على سيدنا النبى )
( لا حول ولا قوة الا بالله )
( لا اله الا انت سبحانك انى كنت من الظالمين )


بيبدأ الفيلم بـ(فِل) بيحكيلنا عن طفولته وازاي باباه كان شخصية قوية وبيحب المنافسة والفوز بما انه كان مدرب كورة، وطول الوقت علي مر السنين كان (فِل) بيحاول يفوز بإعجاب ابوه وتقديره وبيحاول يثبتله انه رياضي ناجح، فكان بيشارك في رياضات كتير عشان يلاقي الرياضة المناسبة ليه عشان يكمل فيها، بس للاسف كان فاشل في كل الرياضات لا بيعرف يجري ولا بيعرف يعوم ولا بيعرف يلعب كورة ولا حتي رمي القرص، واخر ما زهق جه يجرب رمي الرمح المدرب بيجري ياخده منه بدال ما يعمل مصيبة ويرميه علي حد يقتله ولا حاجة، بس ((فِل) كان مصمم وبياخد الرمح ويرميه بكل قوته وفعلا كان هيصيب بنت كانت معدية بالصدفة.
وساعتها (فِل) بيجري يعتذرلها ويطمن عليها بس اللي بيحصل انه حبها من اول نظرة، وبعدها بفترة قصيرة بيقررو يتجوزو وعلي ما بييجي رايح يقول لأبوه الخبر الحلو ده، بيتفاجئ ان ابوه نفسه خطب هو كمان وهيتجوز، فـ(فِل) بيشد معاه في الكلام شوية لانه طول الوقت مش بيخليه يتهني بفرحة له علي طول خاطف منه الاضواء كده.
المهم ان الاتنين بيتجوزو، والاتنين بيخلفو ولدين في نفس اليوم، يعني الولد (سام) وعمه (بوكي) كانو مع بعض يوم بيوم في المدرسة والتدريب وكل حاجة، يعني اللى عاشه (فِل) وعاني منه مع ابوه، ابنه بيضطر يعيشه تاني.
اصل الحكاية مكنتش بسيطة زي الاول، والد (فِل) كان فرحان بإبنه الصغير جداااا وبيدربه وبيشجعه طول الوقت، حتي (بوكي) كانت شخصيته قوية وناجح جدا في فريق الكورة اللى ابوه بيدربه، و(سام) مع انه في نفس الفريق وجده (باك) هو المدرب الا انه كان علي طول في الاحتياطي وجده مش بيرضي يخليه يلعب ابدا.
وفي يوم كان (فِل) رايح يحضر ماتش لـ(سام ) وبيتفاجئ انه بردو مش بيلعب، وبعد الماتش أبوه بيفاجئه اكتر ويقوله انه نقل (سام) لفريق تاني اسمه (تايجرز)، و(فِل) بيعرف من هنا ومش بيشوف قدامه من العصبية وحرقة الدم اللى كان فيها، بس ابوه مدالوش فرصة انه يقول ويعيد لانه كان اخد ابنه (بوكي) ومشي.
ولما (فِل) بيروّح البيت، زوجته كانت مبسوطة ان (سام) مشي من فريق (باك) اصلا لانه تخيرا هيطلع من تحت سيطرة جده اللى مقعده في الاحتياط طول الوقت، وشايفة ان دي فرصته عشان يلعب ويستمتع بوقته.
وبعدها بشوية لما (فِل) بيدخل يقول لـ(سام) الخبر ده، (سام) بيتصدم لان الفريق ده هو اخر واحد في الترتيب، و(فِل) بيشجعه وخلاص.
وتاني يوم بياخده يوصله التدريب ويشوف الفريق الجديد، وبيتصدم الحقيقة اول ما بيشوفم ويعرف ان دول فريق (التايجرز) اللى من الوهلة الاولي ميبانوش تايجرز ابدا.
لا وملهومش مدرب كمان، والحكم بيروح يزعقلهم اهالي الاولاد يعني ويقولهم لو مفيش مدرب مش هيلعبو الماتش وهيعلن انسحابهم، ومفيش اي حد بيتطوع انه يبقي المد\رب ولو حتي نص ساعة علي ما يخلصو الماتش،
وساعتها (فِل) بيضطر انه يبقي المدرب بتاعهم الشوية دول عشان خاطر (سام) ويشجعه لان دي اول مرة يلعب مع الفريق الجديد.



ملخص فيلم = Kicking And Screaming 2005

ولد قالو عليه فاشل لقي حذاء قديم اول ما لبسه جاتله مهاره عجيبه بتبهر الكل وبيبقي كريستيانو رونالدو


















كوكلي
المقنع
فيلم في الخمسينه
ملخص فيلم
ملخصات افلام
محمد طاهر
ملخص
فنون قتال
فنون قتاليه
كونغ فو
بطل خارق
ساعة سحريه
فيلم في المريخ
شبح
فيلم اشباح
اهداف
كرة قدم
رياضه
الاهلي وسموحه
الاهلي
اهداف الاهلي
محمد صلاح